Биыл Түркістан облысы, Сайрам ауданында қуаты 1000 мвт-қа жететін бу-газ қондырғысының құрылысы басталды. Жобаның жүзеге асырылу барысы мен қазіргі жәй-күйін талқылау мақсатында «Самұрық-Қазына» «Самұрық-Энерго» АҚ басқарма төрағасы Қайрат Мақсұтовпен Түркістан облысының әкімі кездесті.
Энергетикалық қауіпсіздік – маңызды мәселе. Облыста құрылыс басталған бу-газ қондырғысына үлкен үміт артылып отыр. Жобаның уақтылы әрі сапалы жүзеге асуына мүдделіміз және толық қолдау көрсетеміз- деді Дархан Амангелдіұлы.
Қайрат Мақсұтов құрылыс жұмыстар қарқынды жүріп жатқанын, нысанды жоспарға сай уақытылы тапсыратынын жеткізді. Қазіргі уақытта құрылыс жұмыстарына 300 адам тартылған. Келесі жылы жұмысшылар санын 2 мыңнан аспақ. Нысан толық іске қосылғанда 200-ден астам адам тұрақты жұмыспен қамтылады екен.
Елімізде баламасы жоқ жобаны 2026 жылы толық іске қосуды жоспарланып отыр. Бұл жоба арқылы оңтүстік аймақтағы энергия тапшылығы шешімін табады деп күтілуде.
