Мемлекет басшысы тапсырмасымен Түркістан өңірінде ауыл шаруашылығы техникаларын жаңарту бағытында жұмыстар жүріп жатыр. Қазіргі уақытта облыста «Ауыл аманаты» жобасы аясында «Trade in» бағдарламасы арқылы шаруаларға ауыл шаруашылығы техникалары ұсынылуда. Бұл ретте Оңтүстік Кореяның компаниясымен бірге ауыл шаруашылық тракторларын шығаратын «KAZ KIOTI» компаниясы нақты іске кірісіп кеткен.
Ордабасы ауданына жұмыс сапары барысында Ақбұлақ ауылында орналасқан «KAZ KIOTI» зауытында болып, шаруалармен кездескен облыс әкімі Дархан Амангелдіұлы, бағдарламаға қатысушы шаруаларға тракторлар мен комбайндар кілттерін табыстады.
Түркістан облысысында ауыл шаруашылығы саласына «Ауыл аманаты» жобасы арқылы нақты қолдау көрсетіліп жатыр. «Trade in» бағдарламасы да тиімді жүзеге асуда. Осы қолдаулар арқылы ауыл шаруашылығы техникалары жаңаруда. Бүгін облыстың шаруаларымен қуанышты сәтте облыс әкімі кездесіп ,құтты болсын айта тұрып жаңа техниканың кілтін табыстады. Сөйте тұра әрдайым өңір экономикасын дамытуға сеп беретін жобаларды қолдауға дайын екенін айтты.
