ТҮЛКІБАС АУДАНЫНДА ҚАНАҒАТТЫ ЖАҒДАЙДАҒЫ ЖОЛДАРДЫҢ ҮЛЕСІ 80 ПАЙЫЗДАН АСҚАН

Ел Президенті Қасым-Жомарт Тоқаевтың «Әділетті Қазақстан: заң мен тәртіп, экономикалық өсім, қоғамдық оптимизм» атты Қазақстан халқына Жолдауында елдегі инфрақұрылым саласында оң өзгерістер керектігін айтқан болатынМемлекет басшысы атап өткендей, халықтың өмір сүру сапасын арттыру үшін сапалы жолдар, таза ауыз су, қолжетімді интернет және заманауи тұрғын үй мәселелерін шешу – басымдықтардың бірі.

Осы бағытта түрлі аймақтарда жолдарды жөндеу және салу жұмыстары қарқынды жүргізілуде. Мысалы, республикалық маңызы бар жолдардың 85%-дан астамы жақын арада жаңартылып, сапасы халықаралық стандарттарға сәйкестендіріледі. Сонымен қатар, ауыл-аймақтарды таза ауыз сумен қамтамасыз ету жобалары жалғасып жатыр.

. Мемлекет басшысының тапсырмасына сәйкес, Түлкібас ауданында тұрғындардың өтініші негізінде ішкі тозығы жеткен жолдарды ретке келтіру жұмыстарына ерекше көңіл бөлініп келеді.

Биылдың өзінде аудан әкімі Нұржан Ізтілеуовтің халық алдындағы есептік кездесулері мен жеке қабылдауларында көтерілген аймақтағы 9 елді мекеннің 26 көшесіне орташа жөндеу жұмыстары жүргізілді. Мәселен, «Ауыл – Ел бесігі» бағдарламасы шеңберінде Ақбиік, Жабағылы, Кемербастау, Керейт, Қараағашты және Елтай елді мекендерінің 19 көшесі республикалық бюджет есебінен, Т.Рысқұлов, Рысқұл және Таусағыз елді мекендерінің 7 ішкі көшесі аудандық бюджет есебінен жөнделіп, ел игілігіне пайдалануға берілді.

Нәтижесіне аудандық маңызы бар жолдар мен елді мекендердегі ішкі көшелердің жақсы және қанағатты жағдайдағы үлесі 86,2 пайызға артып отыр.

Сонымен қатар, биыл көп жылдан бері Сарытөр, Құлан елді мекендері тұрғындарының көкейінде жүрген аудан орталығымен байланыстырып тұрған облыстық маңызы бар 18,3 шақырымды құрайтын КХ-70 «Т.Рысқұлов-Құлан-Сарытөр» бағытындағы автожолды жөндеу жұмыстары басталды. Нысан келесі жылға өтпелі.