• Құқықтық сауаттылықты арттыру; • Оқушылар арасында тәрбие жұмыстары жүргізілді.Аталған іс-шараға 9–10-сынып оқушылары белсене қатысты. Бұл жұмыстардың басты мақсаты – кәмелетке толмағандар арасындағы құқық бұзушылықтың алдын алу, олардың құқықтық сауаттылығын арттыру және құқықтық мәдениетін қалыптастыру болып табылады.
Профилактикалық шаралар аясында мектепке ішкі істер бөлімінің инспекторлары, әлеуметтік педагогтар және психологтар шақырылып, арнайы кездесулер ұйымдастырылды. Кездесу барысында құқық бұзушылық деген не, оның салдары қандай болатыны, бұзақылық әрекеттердің заң жүзіндегі жауапкершілігі туралы нақты мысалдармен түсіндірме берілді. Сонымен қатар, балалар мен жасөспірімдер арасындағы өзара қарым-қатынасты реттеу, мектеп тәртібін сақтау, әлеуметтік желілердегі тәртіп пен этика мәселелері де талқыланды.
Мектеп оқушыларына Қазақстан Республикасының Әкімшілік құқық бұзушылық туралы кодексі мен Қылмыстық кодексінен үзінділер келтіріліп, жасөспірімдердің құқықтары мен міндеттері, сондай-ақ заң алдындағы жауапкершілігі түсіндірілді. Оқушыларға құқықтық сауаттылықты арттыруға бағытталған жадынамалар таратылды.
Сонымен қатар, тәртіп пен әдептілік тақырыбында сынып сағаттары өткізіліп, бейнероликтер мен презентациялар көрсетілді. Психологтар оқушылармен жеке және топтық кездесулер өткізіп, олардың мінез-құлқы мен әлеуметтену деңгейіне назар аударды. Түсіндірме жұмыстарының нәтижесінде оқушылар құқықтық нормаларды жақсырақ түсініп, қоғамдық тәртіп пен мектеп ережелеріне құрметпен қарауға ынталанды.
Жүргізілген профилактикалық шаралар жасөспірімдер арасындағы құқық бұзушылықтың алдын алуға бағытталған маңызды қадамдардың бірі болып табылады. Алдағы уақытта да мұндай іс-шаралар жүйелі түрде ұйымдастырылып, оқушылардың құқықтық мәдениетін дамыту жалғасын табатын болады.
