«Нашақорлыққа жол жоқ»тақырыбында жиналыс өткізілді.

Т.Рысқұлов атындағы N24 жалпы білім беретін мектебінде құқықбұзушылықтың, нашақорлықтың,зорлық-зомбылық, жыныстық тиіспеушіліктің, буллингтің, әлімжеттіліктің алдын алу мақсатында

7-8 сынып оқушылары арасында «Нашақорлыққа жол жоқ» тақырыбында жиналыс өткізіліп, түсіндірме жұмыстары жүргізілді. Жиналыс барысында көктем мезгілінде табиғат аясында ата-анасыз маёвкаға шықпау,тауға, суға жалғыз бармау, қауіпсіздік ережелерін сақтау, бос уақытта спортпен айналысу, денсаулыққа зиянды заттарды, темекі, ішімдікті пайдаланбау, түнгі мезгілде жүрмеу туралы ескертілді.

Жиналыстың мақсаты – жасөспірімдер арасында нашақорлықтың алдын алу, олардың салауатты өмір салтын ұстануға деген қызығушылығын арттыру, зиянды әдеттерден аулақ болуға шақыру.

Іс-шараны мектеп директорының тәрбие ісі жөніндегі орынбасары ашып, қазіргі қоғамда нашақорлықтың жастарға тигізер зардабы жайында кеңінен әңгіме жүргізді. Сонымен қатар, мектеп психологы мен әлеуметтік педагог сөз сөйлеп, нашақорлыққа итермелейтін себептер, одан туындайтын психологиялық және әлеуметтік мәселелер туралы баяндады.

Жиналыс барысында оқушылармен интерактивті сұрақ-жауап ұйымдастырылып, бейнероликтер көрсетілді. Оқушылар нашақорлықтың алдын алу жолдары, дос таңдаудың маңыздылығы, бос уақытты тиімді өткізу туралы өз ойларын ортаға салды. Сонымен бірге, «Салауатты өмір – жарқын болашақ кепілі» атты шағын көрініс қойылып, жасөспірімдерге теріс әрекеттердің салдары көркем түрде түсіндірілді.

Шара соңында әр оқушыдан нашақорлыққа қарсы көзқарасы мен ұсынысын жазу сұралды. Бұл жиналыс оқушылардың есінде қалатындай әсерлі өтті. Барлығы нашақорлықтың адам өміріне қауіптілігі мен болашаққа тигізер кесірі туралы нақты түсінік алды. Мұндай іс-шаралар мектеп қабырғасында жиі өткізіліп тұруы тиіс, себебі бұл – болашақ ұрпақтың дені сау, саналы азамат болып қалыптасуына үлкен үлес қосады.