Әбу Нәсір әл-Фараби оқулары облыстық байқауы өтті . Кентау балалар кітапханасында.

Аудандық орталық «Отырар» кітапханасы, Отырар мемлекеттік археологиялық музей – қорығы және Руханият Әбу Нәсір әл — Фараби музейі бірлесіп ұлы ғұлама Әбу Нәсір әл – Фарабидің өмір жолы мен шығармашылығын дәріптеуде жасөспірімдер арасында «Әбу Нәсір әл — Фараби оқулары» облыстық байқауы өтті.

Әбу Насыр әл-Фарабидің рухани мұрасын ұлықтаған байқау

Ұлы ойшыл, ғалым және философ Әбу Насыр әл-Фарабидің өмірі мен шығармашылығын дәріптеу мақсатында жасөспірімдер арасында облыстық деңгейде байқау ұйымдастырылды. Аталмыш іс-шараға 11 ауданнан келген жас дарындар қатысып, өзара білім мен шығармашылықтарын ортаға салды. Жалпы 200-ден астам оқушы қатысып, түрлі бағыттар бойынша бақ сынады: эссе жазу, ғылыми жоба қорғау, мәнерлеп оқу және сахналық көріністер.

Байқау барысында оқушылар әл-Фарабидің ғылым мен өнерге қосқан үлесі, әсіресе философия, логика, музыка мен этика саласындағы еңбектерін тереңірек танып білді. Шара жас буынға атақты ойшылдың даналығын дәріптеп, ұлттық құндылықтарды ұғынуға жол ашты. Ұйымдастырушылар мұндай байқаулар жастардың білімге деген құштарлығын арттырып, ұлт зиялыларының еңбегін қадірлеуге тәрбиелейді деп сенеді.

Нәтижесінде, Кентау қалалық орталық балалар кітапханасының оқырманы, әл — Фараби атындағы №14 мектеп –гимназиясының 11 сынып оқушысы Бақтияр Әмина І орынды иеленді.

Марапатың құтты болсын Әмина! Әрқашан жеңіс тұғырынан көріне беруіңе тілектеспіз!