Кентау қаласында қазақ тілі мен әдебиеті пәнінен педагог-модераторлар іс-шарасы өтті!
Жаңа инновациялық технологияларды қолдана отырып, мұғалімдердің білімі мен дағдыларын жетілдіру мақсатында 14 мамыр күні Д.Қонаев атындағы жалпы білім беретін мектеп базасында «EdTalk: «Педагог-модератор-мотивация көзі» қалалық білім бөліміне қарасты жалпы білім беретін мектептер бойынша «педагог-модератор» мұғалімдерінің семинары ұйымдастырылды.
Семинардың мақсаты:
– қазақ тілі мен әдебиеті сабақтарында цифрлық технологияны, жасанды интеллект (ЖИ) технологиясының мүмкіндіктерін оқу процесінде тиімді қолдану бойынша білім мен дағдыларды зерделеу, оқытудағы тиімді әдіс-тәсілдермен тәжірибе алмасу.
Семинар барысында қазақ тілі мен әдебиеті сабақтарында түрлі әдістерді қолданып, жасанды интеллект арқылы ұлттық құндылықтарымызды сақтау және ұрпаққа жеткізу жолдары айтылды. Жасанды интеллектінің мүмкіндіктері, тіл арқылы тұлға тәрбиелеу жолдары, сабақ барысында кері байланыс жасаудың тиімді жолдарын, оқушылардың функционалдық сауттылығын арттыру үшін тапсырмалар ұсынды.
Семинар барысында ұсынылған ақпараттар мен әдіс-тәсілдер мектептердегі қазақ тілі мен әдебиеті сабақтарын сапалы ұйымдастыруға септігін тигізері анық
Іс-шараға қатысқан қонақтар қоржындарына қажетті дүниелер алғанына алғыс білдірді.
ҚББ-нің әдіскер маманы Ғ.Қалымбетова қатысушылармен пікір алмасу алаңын ұйымдастырды. Мұнда қазақ тілі мен әдебиеті пәнін оқытуда қолданылған цифрлы құралдардың тиімділігі талқыланып, сабақ көрсеткен әріптестердің тәжірибелеріне кері байланыс берілді.
