Аналар – отбасының жүрегі, тірегі, мейірім мен жылулықтың символы. Олар – баланың алғаш ұстазы, өмірге бағыт беруші шамшырағы. Қазақстанда жыл сайын көктемнің шуағымен қатар келген Аналар күні – аналарға деген махаббатты, құрметті ерекше көрсететін мереке. Осы айтулы күнге орай, Әл-Фараби атындағы мектепте өзгеше форматта «Apa Fest» атты отбасылық спорттық сайыс ұйымдастырылды. Бұл мерекелік іс-шара тек аналарды құттықтау ғана емес, отбасы мүшелерінің ынтымағын нығайтып, балаларына үлгі болуға бағытталды.
Мерекелік кештің негізгі ерекшелігі – оның тек концерт немесе дәстүрлі құттықтаулармен шектелмей, белсенді, көңілді және денсаулыққа пайдалы іс-шара ретінде өткізілуінде болды. Спорттық сайысқа 5-9 сынып оқушылары қатысып, түрлі кедергілер мен қызықты тапсырмаларды орындады. Әрбір команда өнер көрсетіп, ұйымшылдық пен шапшаңдықтарын ортаға салды.
Сайысқа қатысушылар түрлі кезеңдерден өтті: «Көңілді старттар», «Секіргіш отбасы», «Көңілді эстафета», «Күш сынасу» сынды бөлімдер балалардың ептілігі мен тапқырлығын сынады. Жарыс барысында мектептің спорт залы ерекше атмосфераға бөленіп, балалар арасындағы тығыз байланыс пен достық көңіл күйі сезіліп тұрды. Жанкүйерлер арасында да қызу қолдау, қуаныш, күлкі мен шаттық көп болды.
Іс-шараның басты мақсаты – отбасындағы бірлікті, мейірімділікті арттыру, ананың отбасындағы рөлін көрсету, салауатты өмір салтын насихаттау еді. Мектеп әкімшілігі мен ұстаздар қауымы бұл шараны жоғары деңгейде ұйымдастырып, қатысушылардың көңілінен шықты.
«Апа Fest» мерекесіне мектеп директоры мен ұстаздар қауымы да белсене қатысып, жеңімпаздарды марапаттап, сыйлықтар табыстады. Әрбір қатысушы мақтау қағаздарымен, медальдармен және шағын естелік сыйлықтармен марапатталды. Бірақ ең бастысы – баланың жарқын сәттері, ортақ жеңіс үшін күрескені, бірге қуанып, бірге қолдау білдіргені болды.
Іс-шара соңында аналар ұйымдастырушыларға алғыс айтып, осындай іс-шаралардың жиі ұйымдастырылып тұруын тіледі. Балалар үшін бұл күн нағыз мерекеге айналып, олардың жүрегінде ұзақ сақталатын жағымды естелікке айналды.
«Апа Fest» – бұл жай ғана сайыс емес, бұл – отбасы, аналар мен балалар арасындағы махаббат пен сенімді нығайтатын, ұрпаққа тәрбие мен үлгі болатын ерекше жоба. Әл-Фараби мектебінің ұжымы болашақта да осындай рухани-мәдени және спорттық форматтағы отбасылық іс-шараларды жалғастыруды мақсат етіп отыр.
