ТҮРКІСТАНДА ЕЛІМІЗДЕГІ АЛҒАШҚТЫ СУПЕРВИЗИЯ ҮЙЛЕСТІРУ ОРТАЛЫҒЫ АШЫЛДЫ.
Елімізде алғаш рет Түркістан облыстық балалар ауруханасының базасында супервизия үйлестіру орталығы ашылды. Мұнда балалар дәрігерлері мен медбикелер тәжірибе алмасып, кәсіби біліктілігін арттыра алады. Жаңа орталықтың ашылуына Қазақстанның 20 өңірінен келген 70-тен астам медицина маманы, сонымен қатар 6 жоғары оқу орнының өкілдері қатысты.
Супервизия үйлестіру орталығында тек Түркістан облысы емес, еліміздің әр түкпірінен келген медицина мамандары да тәжірибе жинақтай алады. Бұл үшін орталық заманауи материалдық-техникалық жабдықтармен, муляждармен, интеграциялық тақтамен және жоғары технологиялық аппараттармен қамтылған.Супервизия орталығы — бұл кәсіби мамандардың (мысалы, психологтар, әлеуметтік қызметкерлер, педагогтар, дәрігерлер) өз қызметін жетілдіру, тәжірибесін сараптау және кәсіби дағдыларын дамыту үшін ұйымдастырылған арнайы кеңістік. Бұл орталықтарда мамандар білікті супервизордың жетекшілігімен өз тәжірибесін талдайды, қиын жағдайларды шешудің жолдарын қарастырады және кәсіби күйіп кетудің (эмоционалдық шаршаудың) алдын алады.
Супервизия — бұл бақылау емес, серіктестік қарым-қатынас. Орталықтың басты мақсаты — мамандардың кәсіби өсуін қамтамасыз ету, қызмет көрсету сапасын арттыру және этикалық нормаларды сақтау. Мұндай орталықтарда топтық немесе жеке супервизиялық кездесулер ұйымдастырылады. Топтық супервизияда әріптестер өзара тәжірибе алмасады, кәсіби қолдау көрсетеді. Жеке супервизияда маман супервизормен жеке жұмыс істейді.
Супервизия орталығы білім беру ұйымдарында, денсаулық сақтау саласында, әлеуметтік қызметтерде және үкіметтік емес ұйымдарда кең қолданылады. Бұл мамандардың кәсіби дамуына, эмоционалдық тұрақтылығына және қызмет көрсетудің жоғары сапасына әсер етеді. Қазақстанда мұндай орталықтар психология, әлеуметтік жұмыс, коучинг салаларында кең таралып келеді.
Орталық дамудың кешігуі, есту қабілетінің бұзылуы, эмоционалдық және интеллектуалдық бұзылулар, сөйлеу немесе тілдік бұзылулар сияқты ерте араласуды қажет ететін проблемаларды ескере отырып, әрбір баланың салауатты даму әлеуетін барынша арттыруға бағытталған. Сондықтан орталықтың даму стратегиясында Қазақстан Республикасындағы ерте араласудағы негізгі инновацияларға баса назар аударылған. Орталық халықаралық ұйымдармен әріптестікті одан әрі дамытуды көздейді.
