«Салауатты жаз – 2025″ жыл сайынғы профилактикалық науқаны аясында аудандық орталық ауруханада бейінді мамандардың қатысуымен»Ашық есік» күні ұйымдастырылды.

 Аудандық ауруханада тұрғындардың денсаулығына деген қамқорлықты арттыру және халықпен тығыз байланыс орнату мақсатында кезекті «Ашық есік» күні өткізілді. Бұл шара аудан тұрғындарына тегін медициналық кеңес алуына, қажетті тексерулерден өтуіне мүмкіндік берді.Шара барысында аурухананың білікті дәрігерлері мен медициналық мамандары тұрғындарды қабылдап, әр түрлі бағыттар бойынша кеңес берді. Атап айтқанда, терапевт, кардиолог, хирург, офтальмолог, гинеколог, невропатолог және тағы басқа саланың мамандары тұрғындардың денсаулығын тексеріп, қажетті ем-домдарын ұсынды. Сонымен қатар, қант диабеті, қан қысымы, жүрек аурулары, көз көруінің нашарлауы сынды созылмалы ауруларға қатысты алдын алу шаралары кеңінен түсіндірілді.

«Ашық есік» күнінің негізгі мақсаты – халықтың денсаулық жағдайына ерте назар аударып, аурудың алдын алу. Көп жағдайда адамдар аурудың алғашқы белгілерін елемей, кеш маманға жүгінеді. Осындай шаралар тұрғындарды дер кезінде дәрігерге қаралуға, денсаулығына мән беруге шақырады. Аурухана әкімшілігінің айтуынша, бұл күнде жүздеген адам келіп, медициналық көмекке жүгінген. Көптеген тұрғындарға қосымша зерттеулер мен ем алу үшін жолдамалар берілді.

Аурухана бас дәрігері: «Біздің басты мақсатымыз – халыққа сапалы медициналық қызмет көрсету. Ашық есік күндері арқылы тұрғындармен жақын байланыс орнатып, олардың мәселелерін тыңдап, қажетті көмекті дер кезінде көрсетуге тырысамыз», – деп атап өтті.

Шара соңында тұрғындар дәрігерлерге ризашылығын білдіріп, осындай іс-шаралардың жиі өткізілуін сұрады. Бұл – халықтың медицина саласына деген сенімін арттыруға бағытталған маңызды қадам.

«Ашық есік» күні – тек медициналық тексеру ғана емес, сонымен бірге дәрігер мен тұрғын арасындағы сенімді қарым-қатынасты нығайтатын мүмкіндік.

 Аурудың алдын алу – емдеуден тиімді!

Осындай шаралар алдағы уақытта да жалғасын табады деп ойлаймыз.