“САЛАУАТТЫ ЖАЗ” — БАЛАЛАР ДЕНСАУЛЫҒЫ БАСТЫ НАЗАРДА!

“САЛАУАТТЫ ЖАЗ” — БАЛАЛАР ДЕНСАУЛЫҒЫ БАСТЫ НАЗАРДА!

⠀

Қазығұрт аудандық орталық ауруханасына қарасты Абай дәрігерлік амбулаториясында “Салауатты жаз” акциясы аясында жылжымалы медициналық кешені жұмыс жүргізуде.

Бейінді мамандар балалардың жалпы денсаулығын тексеріп, профилактикалық бақылау жүргізуде.

Тексеру барысында:

 Баланың бойы мен салмағы өлшеніп,

 Рефлекстер мен жүйке жүйесінің жағдайы бағаланып,

 Ата-аналарға пайдалы кеңестер берілуде.

⠀Мақсат — балалар арасында аурулардың алдын алып, салауатты өмір салтын қалыптастыру.Салауатты өмір салты – бұл адамның денсаулығын нығайтып, ұзақ әрі бақытты өмір сүруіне мүмкіндік беретін өмір сүру дағдысы. Салауатты өмір салтын ұстану – тек аурудан сақтану ғана емес, бұл жан мен тән саулығын сақтап, рухани және әлеуметтік тұрғыдан дамуға ықпал етеді.

Салауатты өмір салтының негізгі компоненттері – дұрыс тамақтану, жүйелі қозғалыс, зиянды әдеттерден (темекі, ішімдік, есірткі) бас тарту, ұйқы тәртібін сақтау, таза ауада серуендеу және стрессті басқару.

Дұрыс тамақтану дегеніміз – ағзаға қажетті барлық қоректік заттарды жеткілікті мөлшерде қабылдау. Бұл көкөністер мен жемістерді жиі тұтыну, қуырылған, майлы, тұзды тағамдарды азайту, тәтті сусындар мен фастфудтан бас тарту арқылы жүзеге асады.

Қозғалыс белсенділігі де маңызды рөл атқарады. Күнделікті жаттығулар жасау, жаяу жүру, спортпен айналысу – адамның физикалық әрі психикалық денсаулығын жақсартады. Қозғалыс жүрек пен бұлшықетті нығайтып, артық салмақтың алдын алады.

Салауатты өмір салтын ұстану арқылы әр адам өз өмір сапасын арттырып, денсаулығын нығайта алады. Бұл – ұзақ әрі мазмұнды өмір сүрудің кілті.

Балалар денсаулығы – ұлт болашағы!