23 маусым “Олимпиада” күні Дүние есігін ашқан балапандар.

23 маусым “Олимпиада” күні Дүние есігін ашқан балапандарды , Басшы орынбасары Асем Серикбаевна және перзентхана бөлімінің меңгерушісі Токсаев Абдусаттар Кучаковичпен, неонатолог дәрігері Хамедова Нейла Магамедовна кішігірім құттықтау шарасын өткізді!

» — Құрметті ата-аналар! Балаңыздың дүниеге келуімен құттықтаймыз және Сізді тосын сыймен таң қалдырғымыз келеді. 23 маусым, ерекше күн, Олимпиада күні. Сондықтан Сізді және балаңызды Қазақстанның барлық олимпиадалық спортшылары құттықтайды. Олар Ұлттық Олимпиада комитетінің балаңыздың Олимпиада күні туылғанын растайтын арнайы сертификатын, сондай-ақ шағын естелік сыйлығын береді. Спортшылар Сіз нәрестеңізді өмірдің алғашқы күндерінен бастап-ақ спортқа баулиды деп үміттенеді.

Болашақта нәрестіңіз кім болса да, кез-келген ісіне табыс тілеп, жеңімпаз болатынына үміттенеді.

Спортшылар мұны сіздің кішкентайыңызға уақыты келгенде оқитын хатында жеткізеді».Олимпиада – бұл әлемдік деңгейдегі ең ірі спорттық іс-шаралардың бірі. Ол әр төрт жыл сайын өткізіліп, онда түрлі мемлекеттердің спортшылары өз елінің намысын қорғап, әртүрлі спорт түрлерінен жарысқа түседі. Олимпиада ойындары көне Грекияда бастау алған. Ежелгі Олимпиадалар алғаш рет б.з.д. 776 жылы өткізілген, ал қазіргі заманғы Олимпиада ойындары 1896 жылы Грекияның Афина қаласында қайта жандандырылды. Бұл идеяны іске асырған француз педагогі Пьер де Кубертен болды. Содан бері Олимпиада ойындары бейбітшіліктің, достық пен татулықтың символына айналды.

Олимпиада жазғы және қысқы ойындар болып екіге бөлінеді. Жазғы Олимпиадада жеңіл атлетика, жүзу, гимнастика, футбол, күрес, бокс сынды спорт түрлері қамтылса, қысқы Олимпиадада шаңғы тебу, мәнерлеп сырғанау, шайбалы хоккей, биатлон сияқты спорт түрлері өткізіледі. Олимпиадаға қатысу – әрбір спортшы үшін үлкен мәртебе. Бұл жарыс тек спорттық шеберлікті ғана емес, сондай-ақ жігерлікті, табандылықты, елге деген сүйіспеншілікті көрсетеді.

Қазақстан тәуелсіздігін алғаннан кейін, алғаш рет 1994 жылы қысқы Олимпиадаға қатысқан. Ал 1996 жылы Атлантада өткен жазғы Олимпиадада боксшы Василий Жиров елімізге алғашқы алтын медальді сыйлады. Содан бері Қазақстан спортшылары әр Олимпиадада жүлделі орындарға ие болып келеді. Ел намысын қорғаған батырларымыз – халықтың мақтанышы.

Олимпиада ойындарының басты ұраны – «Жылдамырақ, биігірек, күштірек» (латынша: Citius, Altius, Fortius). Бұл сөздер спортшыларды әрдайым алға ұмтылуға, өз шегін жеңуге ынталандырады. Сонымен қатар, Олимпиада алауының тұтануы – бейбітшілік пен спорттың жалынды рухының белгісі. Олимпиада ойындары елдер арасындағы достық қарым-қатынасты нығайтады және жас ұрпақты салауатты өмір салтына, спортқа баулиды.

Қорытындылай келе, Олимпиада – бұл тек жарыс емес, ол адамзаттың бірлігін, ерік-жігерін, табандылығын көрсететін үлкен мереке. Спортшылардың қажырлы еңбегі мен жеңіске деген ұмтылысы бізге үлгі бола алады. Олимпиада – әлем халықтарын біріктіретін ортақ құндылық.