ОЛИМПИАДА КҮНІ ДҮНИЕГЕ КЕЛГЕН СӘБИЛЕРГЕ ЕРЕКШЕ ҚҰРМЕТ!

2025 жылғы 23 маусым — Олимпиада күнімен тұспа-тұс келген қуанышты сәт Жетісай аудандық орталық ауруханасында да жалғасын тапты. Аталған күннің маңыздылығына орай дәл осы күні дүниеге келген сәбилерге ҚР Ұлттық Олимпиадалық комитетінің арнайы құттықтау сертификаттары мен естелік сыйлықтары табысталды.

Бұл бастама — отбасылық құндылықтарды дәріптеу және ұлт болашағы дені сау, белсенді ұрпақты қолдау мақсатында ұйымдастырылған.

Жетісай АОА ұжымы дүниеге келген нәрестелер мен олардың ата-аналарын шын жүректен құттықтай отырып, әр отбасыға амандық, сәбилерге жарқын болашақ тілейді.Олимпиада — бұл әр төрт жыл сайын өтетін ірі халықаралық спорттық жарыс. Ежелгі Грекияда бастау алған бұл сайыс алғаш рет біздің дәуірімізге дейінгі 776 жылы Олимпия қаласында өткізілген. Қазіргі заманғы Олимпиада ойындары 1896 жылы қайта жанданып, содан бері әлемнің түкпір-түкпірінен келген спортшылардың басын қосып келеді. Олимпиада ойындары жазғы және қысқы болып екіге бөлінеді. Жазғы Олимпиадада жеңіл атлетика, жүзу, гимнастика, футбол, бокс сияқты спорт түрлері қамтылады. Ал қысқы Олимпиадада мәнерлеп сырғанау, шаңғы жарысы, хоккей секілді спорт түрлері бар. Бұл жарыстар тек спорт емес, елдер арасындағы бейбітшілік пен достықтың символы саналады. Әр Олимпиадада спортшылар өз елдерінің намысын қорғап, алтын, күміс және қола медальдарға таласады. Қазақстан тәуелсіз ел ретінде 1996 жылдан бастап Олимпиада ойындарына қатысып келеді және бірқатар спорт түрлерінен жүлделерге ие болды. Олимпиада – жас ұрпаққа үлгі болатын маңызды оқиға.