ҚР ДСМ-нің 2021 ж 12 қарашадағы №114 бұйрық «Аса қауіпті инфекциялық аурулардың алдын алу бойынша санитариялық-эпидемияға қарсы, санитариялық-профилактикалық іс-шараларды ұйымдастыруға және жүргізуге қойылатын санитариялық-эпидемиологиялық талаптар» санитариялық қағидаларын бекіту туралы. №144 23.06.2015 ҚР халқының арасында Конго Қырым геморрагиялық қызбасының диагностикасы мен профилактикасын жетілдіру бойынша әдістемелік ұсыным. ҚР ДСМ-нің №116 17.11.2021″Инфекциялық аурулардың (обаның, тырысқақтың) алдын алу бойынша санитариялық-эпидемияға қарсы (профилактикалық) іс-шараларды ұйымдастыруға және өткізуге қойылатын санитариялық-эпидемиологиялық талаптар» санитариялық қағидаларын бекіту туралы бұйрықтары бойынша Кентау қалалық СЭББ мамандары және аурухана эпидемиолог дәрігерімен бірлесіп семинар және оқу жаттығу сабағы өткізілді. Семинар соңынан I типтті обаға қарсы костюмді киіп шешу тәртібі көрсетілді.Конго-Қырым қанды безгегінің (КҚҚБ) диагностикасы бірнеше кезеңнен тұрады және науқастың клиникалық белгілерін, эпидемиологиялық жағдайын және зертханалық зерттеулердің нәтижелерін қамтиды. Ауру әдетте кенеден кейін 1–3 аптада басталады. Алғашқы белгілерге жоғары дене қызуы (39–41°C), бұлшықет пен буындардың ауыруы, әлсіздік, бас ауруы, жүрек айну, құсу жатады. Кейінірек тері астына қан құйылу, мұрыннан қан кету, геморрагиялық бөртпе, ішкі ағзалардан қан кету белгілері пайда болуы мүмкін.
Диагнозды нақтылау үшін зертханалық әдістер қолданылады: ПТР (полимеразды тізбекті реакция) арқылы вирус РНҚ-сын анықтау, серологиялық әдістермен (ИФТ, ИФА) IgM және IgG антиденелерін табу. Қанның жалпы талдауында лейкопения, тромбоцитопения, бауыр ферменттерінің жоғарылауы анықталады. Ауру жұқтырған аймақта болу, кенемен жанасу және жоғарыда аталған белгілер КҚҚБ-ға күдік туғызады. Ерте диагностика – өмірді сақтап қалудың маңызды шарты.
