11.07.2025 жылы Сауран ауданы «Ескі Иқан» ауылдық округі Мәдениет үйінде Сауран аудандық емханасының басшысы Б.Стамкуловтың төрағалық етуімен 2025 жылдың I жарты жылдығында Сауран ауданында денсаулық сақтау жүйесінде жүргізілген жұмыстардың қорытынды медициналық кеңес отырысы өткізілді.
Медициналық кеңес отырысына емханаға қарасты құрылымдық бөлімшелердің аға дәрігерлері, аға мейірбикелері, меңгерушілері, арнайы маман дәрігерлері қатысты.
2025 жыл 6 айлық қорытынды талдау жиналысында емхана басшысының орынбасарлары Н.Қарабаев, А.Аяганова, Л.Қодаманова 2025 жылдың 6 айында жоспарланған мәселелер бойынша жүргізілген жұмыстарды баяндап өтті.
Қорытындылай келе, емхана басшысы медициналық қызметкерлерге ана мен бала денсаулығын жақсарту, диспансерлік есептегі науқастарды тегін және жеңілдікпен берілетін дәрілік заттармен тұрақты қамтамасыз ету, скринингтік тексеру жұмыстарын сапалы жүргізу, мақсатты топтағы балаларға иммунопрофилактикалық екпе жұмыстарымен қамтамасыз ету, медициналық қызметтің қол жетімділігі мен сапасын арттыру жұмыстары, сонымен қатар «Отбасылық цифрлық картасы» ақпараттық жүйесінде өзектендіру шараларын және міндетті әлеуметтік медициналық сақтандыру жүйесіне тұрғындарды қамту шараларын күшейту, бойынша бірқатар нақты тапсырмалар берді, жұмысты күшейтуді тапсырды.
