Азаматтарды жеке қабылдау өтті.

Бүгін Түркістан облысының денсаулық сақтау басқармасының басшысы Асхан Мархабайұлы Байдувалиев азаматтарды жеке қабылдады.

Қабылдауға Түркістан, Отырар және Шымкент қалаларынан келген бірнеше азамат қатысты. Олар медициналық, әлеуметтік және сақтандыруға байланысты өзекті мәселелерін жеткізді.Міндетті әлеуметтік медициналық сақтандыру (МӘМС) — Қазақстан Республикасындағы азаматтардың денсаулығын қорғау жүйесінің бір бөлігі. Бұл жүйе әр азаматтың сапалы медициналық көмек алуына мүмкіндік береді, сонымен қатар медициналық мекемелердің тұрақты қаржыландырылуын қамтамасыз етеді.

МӘМС жүйесіне қатысу міндетті және ол жұмыс істейтіндер мен жұмыссыздар үшін әртүрлі жолмен жүзеге асады. Жұмыс берушілер өз қызметкерлері үшін жарна төлейді, ал өзін-өзі жұмыспен қамтығандар немесе жұмыссыздар өз бетінше төлем жасайды. Мемлекет әлеуметтік әлсіз топтар (зейнеткерлер, көпбалалы аналар, студенттер, мүгедектер және т.б.) үшін жарналарды өзі төлейді.

МӘМС жүйесінде сақтандырылған адам келесі қызметтерді тегін ала алады:

консультациялық-диагностикалық көмек (талдаулар, УДЗ, рентген, т.б.),

жоспарлы стационарлық ем,

жоғары технологиялық медициналық көмек,

қалпына келтіру және оңалту қызметтері.

МӘМС-ке қатысу үшін азаматтар өз мәртебесін «Сақтандырылған» етуі қажет. Мұны тексеру үшін fms.kz сайтына немесе eGov порталына кіруге болады. Егер адам жарна төлемесе немесе төлемдері үзіліп қалса, ол МӘМС аясындағы қызметтерден уақытша айырылуы мүмкін.

МӘМС – денсаулықты сақтаудың сенімді кепілі.

Басқарма басшысы әрбір өтінішті мұқият тыңдап, тиісті сала мамандарына нақты тапсырмалар берді. Көтерілген мәселелердің заң шеңберінде шешілуін бақылауда ұстауды тапсырды.