Қаралы хабар.⠀Медицина саласының ардагері, еліміздің денсаулық сақтау жүйесіне өлшеусіз үлес қосқан көрнекті ғалым, жоғары санатты хирург, медицина ғылымдарының докторы, профессор, «Парасат» орденінің иегері, Шымкент қаласы мен Түркістан облысының Құрметті азаматы Сексенбаев Дерибсали Сексенбайұлы өмірден өтті.
⠀
Дерибсали Сексенбайұлы саналы ғұмырын халқымыздың денсаулығын сақтауға арнаған, мыңдаған адамның өмірін аман алып қалған, жүздеген шәкірт тәрбиелеген үлкен жүректі тұлға еді. Ол кісі Оңтүстік Қазақстан облысының бас хирургі, облыстық клиникалық аурухананың бас дәрігері, медицина академиясындағы кафедра меңгерушісі қызметтерін атқарып, ел медицинасын дамытуға орасан зор үлес қосты.
⠀
Оның ізі мен еңбегі әріптестерінің, шәкірттерінің, емделушілерінің жүрегінде мәңгі сақталады.
⠀
Марқұмның отбасы мен туған-туыстарына, жақындары мен барша медицина қауымына қайғырып көңіл айтамыз.
⠀
Жаны жәннатта, иманы саламат болсын.
⠀
Тіршілігінде ел ардақтаған Дерибсали Сексенбайұлының жарқын бейнесі жадымызда мәңгі сақталады.
