Туризмге тартылған инвестиция көлемі.
2025 жылы туризмге тартылған инвестиция көлемінің жылдық жоспары – 357,0 млн. тг., НКИ 105% құрап отыр.
Туризмге тартылған инвестиция көлемін орындау мақсатында, Шәуілдір ауыл округінен ЖК «Мамырбекова» сауда орталығы және мейрамхана құрылысы жобасы, жалпы құны — 700,0 млн тг. Бүгінгі таңда негізгі құрылыс жұмыстары аяқталып, қабылдау актісінің құжаттары рәсімделуде. Жоспар бойынша шілде айының соңына іске асырылады.
Одан бөлек, жыл соңына дейін жеке кәсіпкер Шілік ауыл округінен ЖК «Каненов Нұрсейіт» туризм саласына инвестиция көлемін орындау мақсатында құны 800,0 млн. тг есебі тапсырылады Алдағы уақытта, Арыстанбаб кесенесі мен Отырар төбе қалажұрты аралығындағы 1,7 шақырым жолға этно ауыл салу жұмыстары және жол бойындағы сервистік қызмет көрсету орындары, ұлттық тағамдар (қымыз, қымыран, құрт, май, тары, талқан) дайындау және сату орындарының құрылысын жүргізу жоспарлануда. Жоғарыда аталған жобалар есебінен жылдық жоспар толық орындалатын болады.
Инвестиция – бұл болашақта пайда немесе әлеуметтік тиімділік алу мақсатында белгілі бір қаражатты, уақытты, еңбекті немесе басқа да ресурстарды белгілі бір жобаға, кәсіпке немесе құралға салу процесі. Инвестицияның негізгі мәні – бүгінгі таңда белгілі бір шығын шығара отырып, ертеңгі күні одан пайда табу. Экономика ғылымында инвестиция экономикалық дамудың басты тетіктерінің бірі болып саналады. Себебі, инвестициясыз өндірісті кеңейту, жаңа жұмыс орындарын ашу, инновациялық жобаларды жүзеге асыру мүмкін емес.
Инвестициялар бірнеше түрге бөлінеді. Біріншіден, тікелей инвестициялар – кәсіпорындардың негізгі капиталын арттыруға, жаңа зауыт-фабрикалар салуға, жаңа технология енгізуге бағытталады. Екіншіден, портфельдік инвестициялар – бағалы қағаздарға, акция немесе облигацияларға қаражат салу арқылы жүзеге асады. Үшіншіден, венчурлық инвестициялар – тәуекелі жоғары, бірақ табысы мол стартаптарға салынады. Сондай-ақ, материалдық емес инвестициялар да бар, мысалы, білімге, денсаулыққа немесе қызметкерлердің біліктілігін арттыруға жұмсалатын қаржы.
Мемлекет үшін инвестиция тарту – экономикалық өсімді қамтамасыз етудің маңызды факторы. Шетелдік және ішкі инвестициялар арқылы жаңа кәсіпорындар ашылады, жұмыссыздық азаяды, бюджет кірісі артады. Сонымен қатар, инвестиция елдің инфрақұрылымын жақсартуға, өндірістік қуатты арттыруға мүмкіндік береді. Ал жеке адам үшін инвестиция – қаржылық тәуелсіздікке жетудің бір жолы. Мысалы, жеке тұлғалар өз жинақтарын банк депозитіне, бағалы қағаздарға немесе жылжымайтын мүлікке сала алады.
Инвестиция – бұл тек ақша салу ғана емес, ол – болашаққа сенім арту, дамуға үлес қосу. Дұрыс бағытталған инвестиция экономиканы нығайтып қана қоймай, әрбір адамның өмір сапасын жақсартуға ықпал етеді.
