Заңсыз жер қойнауын пайдаланушыларды ішкі істер органдарында тіркету.
Ауданда заңсыз жер қойнауын пайдалаушыларға аудан әкімдігінің өкімімен құрылған жұмысшы топ құрамы Отырар АПБ-мен бірлесе отырып, заңсыз жер қойнауын пайдаланудың алдын алу мақсатында тұрақты түрде күнделікті рейдтік іс шаралар жүргізуде.
Жыл басынан бері рейдтік іс-шараны жүргізу барысында 6 айдың қорытындысы бойынша 15 заңсыздық орын алды. Оның ішінде:
Отырар ауданы, Қарғалы ауыл округіне қарасты Бесіктөбеге іргелес жатқан жерден заңсыз құм қазып алған 4 жүк көлігі тиісті құжаттарынсыз құм тасымалдағаны анықталса, 1 жүк көлігі Шәуілдір-Төрткүл бағытында заңсыз құм тасымалдағаны анықталып, құм тасымалдаушы 5 жүк көлігі айыппұл автотұрағына қойылды.
Сотқа дейінгі-тергеп тексеруді бастау мүмкіндігі туралы шешімді қабылдау үшін орын алған заң бұзушылықтар анықтамалық есеп кітапшасына (АЕК) тіркелді.
Аталған заң бұзушылықтар бойынша қажетті іс құжаттар жинақталып, дәлелді фотосуреттер мен түсініктемелерді Қазақстан Республикасының ӘҚБтК-нің 139-бабына сәйкес, заңды шешім қабылдау үшін Түркістан облысы бойынша экология департаментіне жолданды.
Жер қойнауын ретсіз пайдалану – табиғи ресурстарды дұрыс игермей, ғылыми негізсіз және бақылаусыз өндіру нәтижесінде туындайтын аса өзекті экологиялық әрі әлеуметтік мәселе. Жер қойнауы – халық шаруашылығына қажетті қазба байлықтардың негізгі көзі. Ол адамзат дамуы үшін қажетті отын-энергетикалық, металл, құрылыс және басқа да ресурстармен қамтамасыз етеді. Алайда соңғы онжылдықтарда табиғи байлықтарды бақылаусыз қазу, өндіріс орындарының технологиялық талаптарды сақтамауы, ресурстарды ысыраппен пайдалану экологиялық тепе-теңдіктің бұзылуына әкеліп отыр.
Ретсіз игерудің басты зардаптарының бірі – жердің тозуы мен топырақтың құнарсыздануы. Ашық әдіспен жүргізілетін кен қазбалары орасан зор жер аумақтарын жарамсыз күйге түсіреді, табиғи ландшафты өзгертіп жібереді. Сонымен қатар пайдалы қазбаларды өндіру кезінде ауа мен суға зиянды химиялық қосылыстар тарайды, бұл халық денсаулығына қауіп төндіреді. Әсіресе жер асты суларының ластануы ауыл шаруашылығына үлкен зиян келтіреді.
Тағы бір маңызды зардап – биологиялық әртүрліліктің азаюы. Жер қойнауын дұрыс пайдаланбау салдарынан ормандар, жайылымдар, өзен-көл экожүйелері бүлінеді. Өсімдік пен жануарлар тіршілігіне қажетті орта жойылады. Бұл табиғи тепе-теңдіктің бұзылып, климаттық өзгерістердің үдеуіне ықпал етеді.
Әлеуметтік тұрғыда да зардаптары зор. Өндіріс орындары табиғатты ұтымсыз пайдаланғанда, қоршаған ортаға келтірілген зиян жергілікті халықтың өмір сапасына әсер етеді. Ауа мен судың ластануы түрлі аурулардың көбеюіне, тұрмыс деңгейінің төмендеуіне себеп болады. Экономикалық шығындар да артады, өйткені табиғатты қалпына келтіру үшін қомақты қаржы қажет.
Сондықтан жер қойнауын пайдалану қатаң мемлекеттік бақылауда болуы тиіс. Ғылыми негізделген жобалармен, экологиялық талаптарды сақтай отырып қана қазба байлықтарды игеру қажет. Табиғатты ұтымды пайдалану – келешек ұрпақ алдындағы басты міндетіміз.
