«Алтын сақа» олимпиадасының мектепішілік кезеңі өтті.

Қазақстан Республикасы Оқу-ағарту министрлігінің Республикалық «Дарын» ғылыми-практикалық орталығының қолдауымен және «Зерделі» ақыл-ой дамыту мектебі мен Түркістан облысы білім басқармасының облыстық дарынды балаларды анықтау және қолдау орталығының ұйымдастыруымен Ә.Науаи атындағы №17 жалпы білім беретін мектепте 2025 жылғы 10 қазан күні сағат 09.00-де 5-6 сынып оқушылары арасында математика пәнінен Республикалық «Алтын сақа» олимпиадасының мектепішілік кезеңі өтті. Олимпиадаға https://zerdeli.app/altyn-saqa сілтеме арқылы сайтқа тіркелген оқушылар қатысты. Мектеп бойынша олимпиадаға 5-сыныптан 10 оқушы, 6-сыныптан 15 оқушы қатысты. Мектепішілік кезеңнің сапалы өту үшін мектеп директорының бұйрығымен бекітілген ұйымдастыру комитеті мен қазылар алқасы жұмыс жүргізді. Мектепішілік кезеңнің тапсырмалары «Зерделі» ақыл-ой дамыту мектебі тарапынан әзірленіп, тапсырмалары үш бөлімнен тұрады: бірінші бөлім — тест жұмысы, екінші бөлім — тест жұмысы, үшінші бөлім – бос орынды толықтыру. Берілетін уақыт – 60 минут.

Олимпиаданың қорытындысы бойынша ең жоғары ұпай жинаған 5-сыныптан 2 оқушы, 6-сыныптан 2 оқушы қалалық кезеңге қатысу үшін жіберілді. Қалалық кезеңге қатысатын оқушыларға сәттілік тілейміз!