ТҮРКІСТАН: ДӘРІГЕРЛЕР ЕТТАРТҚЫШҚА ҚОЛЫН САЛҒАН БАЛАНЫҢ ӨМІРІН САҚТАП ҚАЛДЫ.

Түркістан облыстық денсаулық сақтау басқармасы ата-аналарды балаларын қараусыз қалдырмауға және тұрмыстық техникамен жұмыс кезінде қауіпсіздік шараларын қатаң сақтауға шақырады.Травматикалық шок – бұл ауыр жарақаттың, қан кетудің, сүйек сынуының немесе тіндердің зақымдануының әсерінен ағзаның өмірлік маңызды қызметтерінің (жүрек-қантамыр, тыныс алу, жүйке жүйесі және т.б.) бұзылуы нәтижесінде дамитын ауыр жағдай. Бұл — ағзада қан айналымының, оттегімен қамтамасыз етудің және зат алмасудың күрделі бұзылыстары жүретін өмірге қауіпті реакция.

Травматикалық шоктың негізгі себебі – қатты ауырсыну мен көп мөлшерде қан кету. Ол көбіне ауыр жарақаттар, күйік, сүйек сынуы, ішкі ағзалардың зақымдануы кезінде пайда болады. Шок кезінде ағзаның тіндері мен мүшелері жеткілікті оттегі мен қоректік заттарды ала алмай, гипоксия дамиды.

Шоктың екі кезеңі болады:

1. Эректильді кезең – науқас қозулы, мазасыз, ауырсынуға өте сезімтал болады. Қан қысымы әлі де жоғары немесе қалыпты деңгейде.

2. Торпидті кезең – ең қауіпті саты. Науқас әлсірейді, есі тұманданады, терісі бозарып, суық тер басады, тамыр соғысы әлсіз және жиі, артериялық қысым күрт төмендейді.

Белгілері:
– бозару, терінің суықтығы, ерін мен тырнақтың көгеруі;
– жиі, әлсіз тамыр соғысы;
– қан қысымының төмендеуі;
– ентігу, терең және жиі тыныс алу;
– әлсіздік, ұйқышылдық, естен тану.

Алғашқы көмек:
– қан кетуді дереу тоқтату (жгут, таңғыш қолдану);
– тыныс жолдарын ашық ұстау;
– жарақат алған адамды жатқызып, аяғын сәл көтеру;
– жылытып, тыныштық сақтау;
– ауырсынуды азайту (егер мүмкіндік болса);
– дереу жедел жәрдем шақыру.

Емдеу:
Медициналық мекемеде қан мен сұйықтық көлемін қалпына келтіру, ауырсынуды басу, тыныс алу мен жүрек қызметін тұрақтандыру, инфекцияның алдын алу шаралары жүргізіледі.

Травматикалық шок – кешіктіруге болмайтын, жылдам әрекет етуді қажет ететін қауіпті жағдай. Дұрыс және уақтылы көмек көрсетілсе, өмірді сақтап қалуға болады.