28.08.2025 жылы Ескі Икан ауылдық округінің МәшҺүр Жүсіп ауылы және Жана Икан ауылдық округінің тұрғындарына жылжымалы медициналық кешен негізінде (автобус) медициналық қызметтер ұсынылды. Медициналық кешен құрамында эндокринолог, кардиолог дәрігерлері қызмет көрсетіп дәрігерлік кеңестерін ұсынды.Қант диабеті — бұл ағзада қант (глюкоза) алмасуының бұзылуымен сипатталатын созылмалы (ұзақ уақыттық) ауру. Оның негізгі себебі — инсулин гормонының жетіспеушілігі немесе ағзаның инсулинге жауап бермеуі. Қант диабетінің түрлері:
1. 1-типті диабет (инсулинге тәуелді)
2. 2-типті диабет (инсулинге тәуелсіз)
3. Гестациялық диабет — жүктілік кезінде пайда болады, көбіне босанған соң жойылады, бірақ 2-типті диабетке әкелуі мүмкін.
Негізгі белгілері:
• Шөлдеу, ауыздың құрғауы
• Жиі несеп шығару
• Шаршау, әлсіздік
• Көру қабілетінің нашарлауы
• Жаралардың баяу жазылуы
• Салмақ жоғалту (1-типке тән)
Диагностикасы:
• Қандағы қант мөлшерін аш қарынға және тамақтан соң 2 сағаттан кейін өлшеу
• Қандағы гликирленген гемоглобин деңгейін тексеру;
• Глюкозаға толеранттылық тестін жүргізу
Алдын-алу жолдары:
Тамақтану мен өмір салты:
• Қант пен тез сіңетін көмірсуларды шектеу
• Көкөніс, тұтас дәнді тағамдарды көбейту
• Белсенді өмір салты: күніне кемінде 30 минут қозғалу
• Артық салмақпен күресу
