ТҮРКІСТАН ҚАЛАЛЫҚ ОРТАЛЫҚ АУРУХАНАСЫНЫҢ БАСШЫСЫ БӨЛІМДЕРДІҢ ЖҰМЫСЫМЕН ТАНЫСТЫ.

ТҮРКІСТАН ҚАЛАЛЫҚ ОРТАЛЫҚ АУРУХАНАСЫНЫҢ БАСШЫСЫ БӨЛІМДЕРДІҢ ЖҰМЫСЫМЕН ТАНЫСТЫ.

Түркістан қалалық орталық ауруханасының басшысы медициналық ұйымның құрылымдық бөлімшелерінің қызметімен жан-жақты танысты.

Жансақтау бөліміндегі ауыр жағдайдағы науқастарға көрсетілетін реанимациялық көмек барысын, заманауи жабдықтардың қолданылу деңгейін және дәрігерлер мен орта буын медицина қызметкерлерінің жұмыс алгоритмін ,терапиялық бағыттағы бөлімшелерде жоспарлы және шұғыл ем қабылдап жатқан науқастардың жағдайымен, стационарлық ем жүргізу сапасымен, клиникалық хаттамалардың орындалу деңгейімен танысты.

Сонымен қатар, хирургиялық бағыттағы бөлімшелердің жұмысын бақылап, жоспарлы және шұғыл операциялардың жүргізілу тәртібіне, ота жасау блогының жабдықталуына, операциядан кейінгі кезеңдегі емдік-диагностикалық шараларға назар аударды.

Бөлім қызметкерлерімен өткен кездесулерде басшы медициналық көмектің сапасын арттыру, науқастарға қолжетімді, уақтылы және тиімді ем-шара көрсету, пациент қауіпсіздігін қамтамасыз ету мәселелерін талқылады. Басшы алдағы уақытта ұжыммен бірлесе отырып, халықаралық стандарттарға сәйкес сапалы медициналық қызмет көрсетуді қамтамасыз етуге, материалдық-техникалық базаны жаңғыртуға және халыққа көрсетілетін көмектің тиімділігін арттыруға бағытталған жұмыстарды жалғастыратынын мәлімдеді.Терапия — бұл адам ағзасындағы ішкі ауруларды дәрілік, физиотерапиялық және басқа да консервативті әдістермен емдейтін медицина саласы. Терапияның басты мақсаты – ауруларды ерте анықтау, олардың алдын алу, асқынудың алдын алу және науқастың жалпы жағдайын жақсарту. Бұл сала ең кең әрі маңызды медициналық бағыттардың бірі болып есептеледі, себебі көптеген аурулар алғашқы кезеңінде терапевт дәрігердің бақылауында болады.

Терапия саласы көптеген бағыттарды қамтиды: кардиология (жүрек аурулары), пульмонология (өкпе және тыныс алу жүйесі аурулары), гастроэнтерология (асқазан-ішек жолы), нефрология (бүйрек), эндокринология (ішкі секреция бездері), ревматология (буын мен дәнекер тіндер), гематология (қан жүйесі), аллергология және тағы басқа.

Терапевт дәрігер – бұл алғашқы медициналық көмек көрсететін маман. Ол науқастың шағымын тыңдап, тексеру жүргізеді, зертханалық және аспаптық талдауларға жібереді, диагноз қойып, ем тағайындайды. Егер ауру күрделі немесе арнайы емді қажет етсе, терапевт науқасты тиісті тар шеңберлі мамандарға жібереді.

Терапияның маңызды бағыты – профилактика, яғни аурудың алдын алу. Дұрыс тамақтану, спортпен айналысу, зиянды әдеттерден арылу, уақытылы медициналық тексеруден өту – терапиялық көмектің негізі.

Қазіргі таңда терапия жаңа технологиялармен, зерттеу әдістерімен және заманауи дәрі-дәрмектермен байып келеді. Бұл сала адам денсаулығын сақтауда, өмір сапасын арттыруда және ұзақ өмір сүруде маңызды рөл атқарады.