Түркістан қаласында тұрғын үй сертификаттарының мөлшері мен оларды алушылар санаттарының тізбесін бекіту туралы Түркістан облысы Түркістан қалалық мәслихатының 01.11.2024 №24/103VIII шешіміне сәйкес Түркістан қаласында Тұрғын үй кезегінде тұрған «Тұрғын үй қатынастары туралы» Қазақстан Республикасы Заңының 68-бабында айқындалған халықтың әлеуметтік осал топтарына жататын санаттағы азаматтары үшін:1. Қазақстан Республикасының Ұлттық банкі бекіткен ипотекалық бағдарлама, Қазақстан Республикасының Үкіметі бекіткен тұрғын үй құрылысы мемлекеттік бағдарламасы, Мемлекет басшысының тапсырмасы бойынша іске қосылған тұрғын үй бағдарламасы шеңберінде ипотекалық тұрғын үй қарыздарының алғашқы жарна көлемін жабу үшін Түркістан қаласында тұрғын үй сертификатының мөлшері әрбір алушы үшін 1 500 000 (бір миллион бес жүз мың) теңгеден аспайтын бірыңғай мөлшерде Тұрғын үй сертификатына өтінімдер қабылданады. Тұрғын үй сертификатының қаржы көлемі шектеулі.
Тұрғын үй сертификатын алу үшін:
1. ЭЦҚ-мен куәландырылған осы Қағидаларға (5-қосымшаға сәйкес) нысан бойынша электрондық өтініш;
2. Халықтың әлеуметтік осал топтарының санаттарын қоспағанда жұмыс орнынан анықтаманың электрондық көшірмесі;
3. Ипотекалық тұрғын үй қарызы бойынша бастапқы жарнаның мөлшері сомасы туралы мәліметтерді қамтитын өтініш берушіге тұрғынжай сатып алуға ипотекалық тұрғын үй қарызын беруді мақұлдау туралы ЕДБ-нің хатының электрондық көшірмесі. Өтініш берушінің және отбасы мүшелерінің (зайыбының (жұбайының), кәмелетке толмаған балаларының) жеке басын куәландыратын құжаттардың, олардың табыстарының, жылжымайтын мүліктерінің, неке қию немесе бұзу туралы (2008 жылғы 1 маусымнан кейін), қайтыс болуы туралы (2007 жылғы 13 тамыздан кейін), балалардың тууы туралы (2007 жылғы 13 тамыздан кейін), құжаттар, өтініш берушінің халықтың әлеуметтік осал топтарына жататынын растайтын құжаттар көрсетілетін қызметті берушіге «электрондық үкіметтің» шлюзі (сыртқы шлюзі) арқылы тиісті мемлекеттік ақпараттық жүйелерден отбасының барлық мүшелеріне беріледі.
Тұрғын үй сертификатына Kezekte.kz (Amanat функциясы) электронды базасы арқылы онлайн өтінім қалдырылады.
