ҚҰҚЫҚБҰЗУШЫЛЫҚТЫҢ АЛДЫН АЛУ МӘСЕЛЕЛЕРІ ҚАРАЛДЫ.

Бүгін Түркістан қаласы әкімі Әзімбек Пазылбекұлы мен қала прокуроры Каукен Нәрікбаевтың төрағалығымен

құқықбұзушылық профилактикасы жөніндегі ведомствоаралық жиын өтті.

Жиынға қала әкімдігі мен прокуратура, полиция орынбасарлары мен бөлім басшылары, сала мамандары қатысты.

Күн тәртібінде қала аумағындағы қылмыстық құқықбұзушылықтардың алдын алу, кәмелетке толмағандарға қатысты қылмыстардың өсу динамикасы, жол-көлік оқиғаларының жиілеуі және осы бағыттағы құқық қорғау органдарының жұмысы талқыланды.

Жиында қала прокурорының орынбасары Нұрсұлтан Оңғарбаев пен Олжас Мұсаев, қалалық полиция басқармасы бастығының орынбасарлары Алмас Мырзахметов пен Ерасыл Орынбек, сондай-ақ бірқатар жауапты сала басшылары баяндама жасап, анықталған кемшіліктер мен атқарылған жұмыстар жайын баяндады.

Қала әкімі құқық қорғау органдарының жұмысына қатысты сын айтып, нақты шараларды күшейтуді тапсырды. Әсіресе, криминогендік ахуалы жоғары аймақтарда алдын алу жұмыстарының жеткіліксіздігі, жастар мен жасөспірімдер арасындағы құқықбұзушылыққа байланысты тәуекелдер, жол-көлік апаттарының алдын алу мәселелері ерекше назарға алынды.

Сондай-ақ, құқықбұзушылықтың алдын алу бағытында рейдтік іс-шараларды күшейту, жасөспірімдердің қауіпсіздігін қамтамасыз ету, жол апаттары жиі орын алатын учаскелердің «ыстық нүктелер» картасын әзірлеу, сондай-ақ қажетті жол инфрақұрылымын жетілдіруді тапсырды.Адал азамат – бұл қоғамда жауапкершілікті, заңға бағынышты және моральдық құндылықтарды ұстанатын тұлға. Ол өз ісінде адалдық пен әділдікті басты принцип ретінде қабылдайды. Адал азамат тек заңды сақтау арқылы ғана емес, сонымен қатар қоғам алдындағы моральдық міндеттерін орындау арқылы да ерекшеленеді. Оның өмірлік ұстанымдары – сенімділік, шыншылдық, әділдік және өз пікіріне адал болу.

Адал азаматтың қоғамдағы рөлі ерекше: ол айналасындағыларға үлгі болып, қоғамдағы сенім мен тұрақтылықты нығайтады. Мұндай адам өз мүддесін ғана ойламай, өзгелердің құқығын сыйлайды, қоғамдық тәртіпке бағынады және өз іс-әрекеттері үшін жауапкершілік қабылдайды. Адал азаматтық тек жеке деңгейде ғана емес, мемлекет құрылымында да маңызды. Мемлекеттің дамуы мен тұрақтылығы азаматтарының адалдығына тікелей байланысты.

Сонымен қатар, адал азамат – білімді, рухани мәдениеті жоғары тұлға. Ол өмірлік тәжірибесі мен білімін қоғам пайдасына жұмсайды. Адалдық пен жауапкершілік – оның басты критерийлері. Қорыта келгенде, адал азамат қоғамның моральдық және құқықтық негізін құрайды, оның үлгісі арқылы қоғам әділ, тәртіпті және сенімді бола алады.