Түркістан қалалық Мансап орталығы 2025 жылдың алғашқы жеті айында жоспарлы межелерін абыроймен орындап, өңірдегі еңбек нарығының дамуына қомақты үлес қосты.

Өңірлік жұмыспен қамту картасы аясында жалпы 7 434 жаңа жұмыс орны ашылды. Оның ішінде:

• Тұрақты жұмыс орындары – 4 795

• Уақытша жұмыс орындары – 2 639

Еңбек бағыты бойынша

• Бос жұмыс орындары – 3 365

Субсидияланған жұмыс орындары – 1 547:

• Қоғамдық жұмыстар – 1 225

• Жастар практикасы – 233

• Алғашқы жұмыс орны – 25

• Күміс жас – 42

• Әлеуметтік жұмыс орны – 32

Ұлттық жоба және мемлекеттік бағдарламалар аясында:

• Жаңа жұмыс орындары – 320

• «10 мың тұрғынға – 100 орын» бағыты – 1 234

• Мемлекеттік қайтарымсыз гранттар – 69

Түркістандық әрбір азаматтың тұрақты табысқа қол жеткізуі – біздің басты мақсатымыз.Мемлекеттің негізгі міндеттерінің бірі – халықты тұрақты жұмыспен қамту. Президенттің бұл бағыттағы саясатында бірнеше басымдық ерекше атап өтіледі. Ең алдымен, ел экономикасын әртараптандыру арқылы жаңа жұмыс орындарын ашу көзделеді. Өндіріс, ауыл шаруашылығы, цифрлық технологиялар және қызмет көрсету салаларын дамыту – еңбек нарығын кеңейтудің негізгі тетігі.

Президент жастарды жұмысқа тартуға ерекше көңіл бөледі. “Жастар практикасы”, “Алғашқы жұмыс орны”, “Jas Qoldaý” сияқты бағдарламалар жастардың алғашқы тәжірибе жинауына мүмкіндік береді. Сонымен қатар, колледж түлектерін сұранысқа ие мамандықтар бойынша даярлау, дуалды оқыту жүйесін күшейту тапсырылған. Бұл еңбек нарығындағы кадр тапшылығын азайтуға бағытталған.

Әлеуметтік осал топтарды жұмыспен қамту да маңызды міндет. Мемлекет көпбалалы аналарға, мүмкіндігі шектеулі азаматтарға, ауыл тұрғындарына арналған арнайы жобаларды жүзеге асырып келеді. Ауылдық жерде шағын кәсіпкерлікті дамыту үшін гранттар, жеңілдетілген несиелер беріледі.

Президент цифрландырудың жаңа мүмкіндіктерін пайдаланып, қашықтан жұмыс істеуді дамыту, фриланс нарығын кеңейту, жаңа IT-мамандықтарын оқыту туралы міндет қойды.

Жалпы, жұмыссыздықты азайту – экономикалық тұрақтылықтың және халықтың әл-ауқатының негізгі көрсеткіші. Президенттің жұмысбастылық саясаты – елдің әр азаматына еңбек етуге, табыс табуға және өз әлеуетін іске асыруға жағдай жасауға бағытталған.