Түркістан облысының білім басқармасының мәжіліс залында «WorldSkills Kazakhstan 2023» VIII Республикалық чемпионатында жеңіске жеткен барлық жеңімпаз студенттер мен жүлдегерлерді дайындаған жетекшілерін облыс әкімінің орынбасары Бейсен Дәулетұлы құттықтап, облыс әкімі атынан ақшалай сыйлықтар табыс етті.
Тарқатып айтар болсақ, 50 мың теңге — чемпионат барысында 9 ерекше медаль алған студенттерге берілсе, ал 100 мың теңгені 6 жеңімпаз болған алтын, күміс, қола медаль иегерлеріне табысталды.
Айта кетейік, 2023 жылғы 24-28 сәуір күндері өңірімізде «Worldskills turkіstan-2023» облыстық чемпионаты өткізілген болатын.
Облыстық чемпионат 8 колледждің базасында
33 құзыреттілік бойынша 36 колледжен 214 конкурсант (студент) және 209 жетекші сарапшы-компатриот өтінім беріп, қатысқан.
Сонымен қатар, биыл алғаш рет ерекше білім беруді қажет ететін балалар арасында «Abilympics Turkistan» чемпионаты ұйымдастырылған.
Аталған чемпионатқа Кентау қаласында орналасқан Арнаулы кәсіптік колледжінің студенттері «Сән технологиясы», «Графикалық дизайн технологиясы» құзыреттіліктері бойынша қатысып, бақтарын сынаған.
Жалпы облыстық чемпионаттың қорытындысымен 34 алтын, 19 күміс, 26 қола, 37 айрықша медальонын алып республикалық «WorldSkills Kazakhstan 2023» сайысына жолдама алған.
Қазақстан Республикасының Оқу-ағарту министрлігі биыл 2023 жыл «WorldSkills Kazakhstan 2023» чемпионаты 30 құзыреттілік бойынша өтетінін хабарлаған.
Түркістан облысының техникалық және кәсіптік, орта білімнен кейінгі білім беру ұйымдары «WorldSkills Kazakhstan 2023» чемпионатына 29 құзыреттілікпен қатысып, бағын сынады.
Нәтижесінде республикалық чемпионаттың қорытындысымен өңіріміздің студенттері 2 алтын, 3 күміс,
1 қола және 9 ерекше медальондарына ие болды.
