ТҮРКІСТАН ОБЛЫСЫНДА ДІН САЛАСЫНЫҢ ҮЗДІКТЕРІ МАРАПАТТАЛДЫ.

Түркістан облысында «Үздік ақпараттық-түсіндіру тобы – 2024» байқауының жеңімпаздарының марапаттау жиыны өтті. Іс-шараның мақсаты – шығармашылықпен жұмыс істейтін дін саласындағы мамандарды анықтау, қолдау көрсету, жұмыс тәжірибелерін зерделеу және білім жетілдіруге ынталандыру.

Аталған шараға облыс әкімінің орынбасары Ертай Алтаев қатысып, номинация иегерлерін құттықтады.

– Ең бірінші Сіздерді келе жатқан Тәуелсіздік күнімен шын жүректен құттықтаймын! Мемлекет басшысының және облыс әкімі Дархан Амангелдіұлының тапсырмасымен, дін істері басқармасының ұйымдастыруымен өңірімізде ауқымды жобалар жүзеге асырылып келеді. Елімізге танымал дін ғалымдары, өнер, спорт, мәдениет саласының өкілдері мен қоғамдық пікір көшбасшылары барлық қала, аудандарда болып, халықпен кездесулер, сұқбаттар ұйымдастырылды. Жалпы 4 мыңнан астам кездесу өткізіліп, оған 400 мыңға жуық облыс тұрғыны қатыстырылды. Биыл облыстық дін істері басқармасы «Үздік ақпараттық-түсіндіру тобы» байқауын екінші рет өткізіп отыр. Алдағы жылдары да осы байқау өз жалғасын табады деп ойлаймын. Осы салаға жауапты азаматтар келер жылы да аталған жұмыстарды сапалы әрі нәтижелі орындайды деп сенемін, – деді Ертай Кенжебекұлы.

Мемлекеттік саясатты және ұлттық құндылықтарды насихаттауда, қоғам өміріне белсене араласып, діни тұрақтылықты қалыптастыруда зор үлес қосып келе жатқан дін мамандары мен діни қызметкерлер 10 номиция бойынша жеңімпаз атанды. Атап айтсақ, «Үздік ақпараттық түсіндіру тобы» номинациясымен Сайрам ауданы, «Үздік дін маманы» номинациясымен – Бахтияр Әбуов, Қалдыбек Әшірбаев, «Үздік бұқаралық ақпарат құралы» номинациясымен – «Отырар алқабы» газеті, «Үздік мақала» номинациясымен – Рахымжан Алтынбеков, «Үздік қарсы насихат парақшасы» номинациясымен – Арыс қаласы мен Сайрам ауданы, «Үздік зияткер имам» номинациясымен – Үсен Саурбаев, «Үздік дінтанушы» номинациясымен Асылхан Данияров, «Үздік теолог» номинациясымен – Шолпан Досанбаева марапатталды. Әр номинацияға қаржылай сыйлықтар табысталады. Сонымен қатар байқауға қатысушыларға ынталандыру сыйлықтары мен алғыс хаттар берілді.Дін адамзат тарихында маңызды рөл атқарған және қазіргі таңда да қоғам өмірінің бір бөлігі болып қала береді. Діннің адам өміріндегі орны, оның моральдық және рухани құндылықтары қоғамның дамуына ықпал етеді. Қазақстанда да дін мәселесі әрдайым өзекті болып келеді, өйткені еліміз көпэтносты және көпконфессиялы мемлекет болып табылады.

Қазіргі уақытта діннің қоғамдағы орны мен оның рөлі әр түрлі көзқарастармен қарастырылады. Бір жағынан, дін адамға рухани күш пен сенім береді, адамгершілік пен адалдыққа тәрбиелейді. Екінші жағынан, қоғамдағы кейбір шиеленістер мен жанжалдар дінмен байланысты болуы мүмкін. Сондықтан, діннің қоғамдағы рөлі мен оның түрлі әлеуметтік мәселелерге әсері өте маңызды.

Қазақстанда діни төзімділік пен ұлттық келісімді сақтау мақсатында көптеген шаралар қабылдануда. 2011 жылы Қазақстан Республикасының Конституциясына сәйкес, елде дін бостандығы мен діни сенім еркіндігі қамтамасыз етілген. Сонымен қатар, елімізде дәстүрлі діни ұйымдармен қатар, діни экстремизм мен радикализмге қарсы күрес шаралары да қолға алынған.

Дін мен қоғам арасындағы үйлесімділікті қамтамасыз ету үшін білім мен ақпараттың маңызы зор. Әр адамның дінге деген көзқарасын түсіну, мәдени және рухани тұрғыдан байыту арқылы қоғамдық келісімді сақтау мүмкін болады. Қорыта айтқанда, дін адам өмірінде маңызды орын алады, бірақ оның қоғамға әсерін дұрыс бағыттау қажет.