«Отырар» өңірлік маңызы бар индустриялық аймағы және орналасатын жаңа жобалар.
Индустриалды аймақты қайта құру бойынша, Аудан әкімінің 2025 жылғы 24 қаңтардағы №6-шы қаулысына сәйкес, «Отырар» индустриалды аймағын құру үшін Қарғалы ауыл округіне қарасты өнеркәсіп, көлік, байланыс жері, ғарыш қызметі, қорғаныс, ұлттық қауіпсіздік, ядролық қауіпсіздік аймағы мұқтажына арналған жер және ауыл шаруашылығына арналмаған өзге де жер санатындағы жерден іске асатын инвестициялық жобаларға 85 гектар жер учаскесісі қарастырылып отыр.
Бүгінгі таңда Индустриалды аймақтағы негізі бар инфрақұрылымын (темір жол тұйығы, электр желісі, жол, су және кәріз жүйелері) қайта қалпына келтіру үшін бүгінгі таңда индустриалды аймақтағы негізі бар инфрақұрылымын (темір жол тұйығы, электр желісі, жол, су және кәріз жүйелері) қайта қалпына келтіру үшін қарастырылып отырған 85 гектарға жобалау сметалық құжаттамасы (ЖСҚ) жасақталуда.
Аталған индустриалды аймаққа жергілікті және шет елдік инвесторларды тарта отырып, өнеркәсіп, өңдеу өнеркәсібі, қайта өңдеу, ауыл шаруашылық тауарларын қайтау өңдеу бойынша 2 жобаның құрылысы жүргізілуде.
- «OTYRAR Cotton» ЖШС, мақта өңдеу зауыты жобасы. Жалпы құны – 2,7 млрд. тг. Қуаттылығы – жылына 12 мың тонна. Жоба аясында 50 адам жұмыспен қамтылады. Бүгінгі таңда зауыттың орны тегістеліп, мақта өңдеуге қажетті құрал-жабдықтар жеткізілді. Құрылыс жұмыстары тұрақты жүргізілуде.
Іске асыру мерзімі: 2025 жыл (мамыр-қараша).
«OTYRAR Cotton» ЖШС, күріш өңдеу зауыты жобасы. Жалпы құны – 769,4 млн. тг. Қуаттылығы – күніне 10 тонна. Жоба аясында 15 адам жұмыспен қамтылады. Бүгінгі таңда құрылыс жұмыстары жүргізілуде.
Іске асыру мерзімі 2026 жыл (мамыр-қараша).
Инвестор тартудың пайдасы өте зор, әсіресе бизнес пен жобалардың дамуына серпін береді. Инвестор ең алдымен кәсіпкерге қажетті қаржылық қолдау көрсетеді. Бұл қаражат арқылы компания өндіріс көлемін арттырып, жаңа технологиялар енгізіп, өнім сапасын жақсарта алады. Сонымен қатар, инвестор тек қаржымен ғана шектелмей, тәжірибесі мен кеңесін ұсынып, бизнестің стратегиялық дамуына көмектеседі. Көп жағдайда инвесторлар нарықтағы байланыстарын пайдаланып, жаңа серіктестер табуға немесе өнімді шетелге шығаруға ықпал етеді. Бұл кәсіпорынның бәсекеге қабілеттілігін арттырады.
Инвестор тарту кәсіпкер үшін тәуекелді азайтады, себебі бизнес шығындары мен жауапкершілігі ортақтасады. Сондай-ақ, инвестордың қатысуы жобаның сенімділігін арттырып, банктерден қосымша несие алуға немесе мемлекеттен қолдау табуға мүмкіндік береді. Бұдан бөлек, инвестиция тарту арқылы жұмыс орындары көбейеді, инновацияға жол ашылады, экономикалық өсім жеделдейді. Яғни, инвестор тарту тек бір кәсіптің ғана емес, тұтас ел экономикасының дамуына да ықпал етеді.
