Созақ ауданының тұрғындарымен кездесу.

Созақ ауданының тұрғындарымен кездесіп, өңірде атқарылып жатқан жұмыстар туралы Түркістан әкімі Дархан Амангелдіұлы халыққа баяндады. Халықтың сұрағына жауап беріп, ұсыныстарын тыңдады.

«Біздің бағытымыз – өндірісті дамыту. Өзімізге қажетті заттарды өз өңірімізде өндіруіміз керек»-деді Дархан Амангелдіұлы. Әрбір аудан, қала әкіміне инвестиция тартып, өндіріс орындарын ашу туралы тапсырма берілді. Бұл жұмыстар қадағаланатын болды. Ауыл инфрақұрылымын дамыту мақсатында «Ауыл – ел бесігі» жобасы жүзеге асырылуда. Былтыр осы жоба арқылы Созақтағы 7 елді мекенде 14 жоба жүзеге асқан. Спорт кешені салынып, 20-ға жуық көше орташа жөндеуден өткізілген. «Ауыл аманаты» жобасы бойынша 210 жоба қаржыландырылған. Жобаға Шолаққорған, Созақ, Құмкент, Жартытөбе ауылдық округтерінің тұрғындары қатысқан. Созақ ауданында өңірлік өнім көлемі артып, былтыр 665 млрд 342 млн теңгеге жеткен.

Аудан экономикасына инвестиция тарту бағытында оң нәтижелер бар. Елді мекендерді қажетті инфрақұрылммен қамту, әлеуметтік нысандар салу жұмысы жалғасып жатыр. Аудан экономикасын көтеру, тұрғындарға қолайлы жағдай жасау бағытындағы жұмыстар бәсеңдемейді. Бұл жөнінде аудан әкімі мен жауапты тұлғаларға нақты тапсырмалар жүктеп.

Халықпен кездесуден кейін жергілікті тұрғындарды жеке қабылдап, мәселелерін тыңдап,Түркістан облыс әкімі Дархан Амангелдіұлы» әрбір көтерілген мәселе бойынша заң аясында тиісті жұмыстар жүргізіледі»- деді.Естуші үкімет – халық пен билік арасындағы сенімді диалог

Қазақстан Республикасының Президенті Қасым-Жомарт Тоқаев өз жолдауларында халық үніне құлақ асатын мемлекет құру идеясын бірнеше рет атап өткен болатын. Бұл бастама қоғам мен билік арасындағы байланыс сапасын жақсартуға, азаматтардың сұраныстары мен мәселелерін шешуге бағытталған. 2024 жылғы Жолдауда да Президент осы идеяны жетілдіру қажеттігін ерекше атап өтті. Естуші үкімет – бұл қоғамдағы әділеттілік пен ашықтықты қамтамасыз ететін тиімді мемлекеттік басқару жүйесі.

Естуші үкіметтің негізгі қағидалары
Естуші үкіметтің басты мақсаты – халықтың мұң-мұқтажын түсініп, оны шешу жолында нақты іс-қимылдарды жүзеге асыру. Президент өз сөзінде халықпен тікелей байланыс орнату, олардың пікірін ескеру, әлеуметтік әділеттілікті нығайтуға ерекше назар аударды. Бастаманың негізі – мына қағидаларға сүйенеді:

1. Ашықтық пен жауапкершілік. Мемлекеттік органдар өз қызметтерін ашық жүргізіп, азаматтардың сұрақтарына нақты жауап беруі тиіс. Бұл қадам қоғамның билікке деген сенімін арттыруға септігін тигізеді.

2. Тез әрі сапалы шешім қабылдау. Халық көтерген мәселелерді уақытында шешу мемлекеттік органдардың басты міндеті болуы керек. Президент әрбір мемлекеттік органның азаматтардың шағымдары мен ұсыныстарын мұқият қарауы қажет екенін айтты.

3. Халықтың қатысуы. Азаматтар елдегі маңызды шешімдерді қабылдауға, заңнамалық бастамаларға тікелей қатысуы тиіс. Бұл қоғамдық кеңестердің жұмысын күшейтуді және онлайн платформалар арқылы пікірлерді жинауды көздейді.

Естуші үкіметті іске асыру қадамдары
Президент жолдауында естуші үкімет қағидаларын нақты іске асыру үшін бірнеше бастама көтерілді:

Цифрлық шешімдерді дамыту. «E-Otinish» жүйесінің ауқымын кеңейту және халықтың барлық өтініштерін уақытында қарау маңызды. Бұл платформа мемлекеттік органдардың жұмысын айқын әрі қолжетімді етеді.

Азаматтарды қабылдау. Мемлекеттік органдар басшыларының ай сайын халықты жеке қабылдауын ұйымдастыру міндеті жүктелді. Әрбір азамат өзінің мәселесінің шешімін табатынына сенімді болуы тиіс.

Жергілікті басқаруды күшейту. Әкімдер халықпен тікелей жұмыс істеп, жергілікті деңгейдегі мәселелерді уақытында шешуге жауапты болады. Бұл әсіресе ауыл-аймақ тұрғындарының жағдайын жақсартуға ықпал етеді.

Естуші үкімет – әділетті қоғамның негізі
Президенттің жолдауында бұл бастаманың басты мақсаты – халықтың әл-ауқатын арттыру және елде әділетті қоғам құру екенін атап өтті. Азаматтардың мемлекеттік саясатқа қатысуы және олардың пікірімен санасу елдің тұрақты дамуына жол ашады. Әділетті қоғамда ешкімнің құқығы бұзылмайды, әрбір азамат өзін қауіпсіз әрі құрметке ие сезінеді.

Халық үнін есту – тұрақтылықтың кепілі
Естуші үкімет идеясы – ел дамуының стратегиялық бағыты. Президент жолдауында халықпен байланыс орнатудың тек техникалық емес, адамгершілік аспектісіне де назар аудару қажеттігін айтты. Бұл – шенеуніктердің тек бұйрық орындаушы ғана емес, халықтың сеніміне лайықты қызметкер болуы керек дегенді білдіреді.

Қорытынды
Естуші үкімет – жаңа заманның талабына сай, азаматтардың мүддесін басты орынға қоятын басқару үлгісі. Президент бастамасы қоғамдағы теңдік, әділеттілік және сенім қағидаларына негізделген заманауи мемлекетті қалыптастырудың маңызды қадамы болып табылады. Ендігі кезекте, бұл жүйені іске асыруда мемлекеттік органдар мен азаматтардың белсенділігі қажет. Тек бірлескен күш-жігердің арқасында халық үніне құлақ асатын мемлекет құруға болады.